Эркеткер киносу Дайыр университетте физик мугалими, эки баласы, келинчеги менен батирде турат. Ал студенттерден пара албайт, айлыгына эптеп тырышып жашайт. Жапан окумуштуулары жасабаган шумдуктай аппарат ойлоп чыгат. Ал аппарат аркылуу баштан өткөн окуяларды кайталап көрүүгө болот. Кадыр бизнесмен, жеке мебельный цехи бар. Бай жашаганы менен баласы жок. Акчасын кыз келиндерге жумшап, аялна кармалып калып, таяк жегени жеген. Эдик да физик мугалими, Дайыр менен чогуу иштейт, бирок Эдик Дайырга окшоп чынчыл эмес студенттерден пара алат, а түгүл студентка кыздары менен анча мынча эс алып да коёт. Касым коммерсант, базарда аялдардын кийим кечесин сатат. Аялы, бир кызы бар. Бул дагы башкаларга окшоп эркекчилик кылайын дейт, бирок, ойлогон ойу ар дайым эле ишке аша бербейт. Бул төртөө дос, чогуу кыздарга барат. Бул төртөөнүн окуяларынан башка дагы көптөгөн кызыктуу окуялар бар. Фильмдин идеясы: кыӊыр иш кырк жылда билинет демекчи, Дайырдын аппараты аркылуу досторунун жашырган иштери ачыка чыгып калат. Максат эркектердин абийирин кетириш эмес, тескерисинче аялзатын кечиримдүүлүкө чакырып, үй-бүлөнү бузбай сактап калуу.
Жанры: комедия Узундугу: 110 мүнөт Автору жана режиссеру: Рустам Аташов Бул фильм чыныгы турмуштан алынган курч сюжеттүү комедия
